Чикаго-ийн худалдааны татвар ихсэх нь.
Cook County - Куук Коунти-ийн Захиргааны Ерөнхийлөгч Тодд Строгерын худалдааны татвар болон машины зогсоолын татварыг 2 дахин нэмэгдүүлэх төсөвийн төсөл батлагдлаа. Ингэснээр Чикаго хот орчмын худалдааны татвар 10.25% болж Амэрикийн том хотуудаас хамгийн дээгүүрт орж байна. Худалдааны татварын өсөлт нь жилийн $426 саяыг, машины зогсоолын такс өсөлт нь 30 гаруй сая долларын орлогыг оруулах ба үүний үр дүнд Строгер 1000 гаруй ажиллагсдыг ажилд авах, төсвийн 234 сая долларын алдагдлаа нөхөх мөнгөтэй болох юм. Эхлээд түүний энэ төсөл нь олонхийн саналыг авч чадахгүй байсан боловч Коок Коунти Эрүүл мэндийн Тасгийг 3 жилийн хугацаанд гадны удирдлагад өгөх хэлэлцээр хийснээр 1 санал илүү авч чаджээ. Олонхи бизнес группууд түүнд татварыг нэмэгдүүлэх нь бизнесүүд Чикаго хотоос дүрвэх, тэр хэмжээгээр ажлын байрнууд цөөрөх эх сурвалж болно хэмээн анхааруулсаар байсан бөгөөд Чикаго хот орчмыг бүхэлд нь хамардаг Куук Коунти-н татвар төлөгч иргэдийн хувьд энэ өдөр нь эмгэнэлтэй өдөр боллоо хэмээн уг Коунтийн Тэргүүлэгч гишүүдийн нэг Тони Пэрайка хэлжээ.
Энэ хүү татварын өсөлт нь саяхны батлагдсан Хотын Тээврийн (CTA) үнийн өсөлтөөс даруй 4 дахин их байгаа бөгөөд хамгийн харамсалтай нь энэ бодлогыг дагалдсан ямар нэгэн шинэчлэлийн болон санхүү эдийн засгийн ирээдүйтэй төсөл, төлөвлөгөө байхгүй байгаа нь иргэдийг хилэгнүүлж байна. Энэ өндөр хэмжээний татварын бодлого нь Чикаго хотыг хамгийн өндөр үнэтэй хот болгосноор эдийн засгийн зогсонги байдалд ороод байгаа Америк орны өнөөгийн нөхцөл байдалд бизнесийн өрсөлдөөнд байр сууриа алдах аюулд учруулах юм. Өнгөрсөн 7-р сард Строгер Куук Коунти-ийн ажилчдын цалинг 5% нэмэгдүүлэхээр амласан нь 2008 оны төсөвт 113 сая долларын нэмэлт төсөв шаардахад хүргэсэн юм. Цалинг нэмэгдүүлэх тухай ярих нь татварыг нэмэгдүүлэх тухай ярихгүйгээр шийдэгдэхгүй болохыг ойлгох хэрэгтэй гэж тэрээр хэлж байжээ.
Chicago Tribune, March 2, 2008
No comments:
Post a Comment